Reperi i njohur Noizy, këtë verë ka qenë tejet i angazhuar me koncerte. Ai po ashtu, stinën e nxehtë e nisi me një bashkëpunim, shumë të suksesshëm me Enca Haxhian. Kënga e tyre “Bow Down” ka arritur mbi 26 milion klikime në YouTube, deri më tani.
Por, Noizy ka treguar se nuk do të ndalet, kjo pasi ai shumë shpejt, mendon të sjellë një këngë të re në treg, për fansat e tij.
29-vjeçari ka publikuar sot një fotografi në llogarinë e tij personale në Instagram, ku shihet në studion e tij, duke incizuar këngën e re. E ndërsa në mbishkrimin e fotos, ka shkruar një mesazh mjaft thumbues për të tjerët: “Ata mundohen vetëm për ta arritur atë gjë. E dini ju?”, kanë qenë fjalët e tij.
Nuk dihet ende nëse kënga do të publikohet edhe me videoklip, mirëpo Noizy përsëri mbetet, një nga reperët më të kërkuar për momentin./Telegrafi/