Noizy është ndër rep-artistët shqiptar që për një kohë të gjatë ka qëndruar aktiv në skenë.
Gjatë gjithë këtyre viteve, përpos suksesin të tij, ai ka sjellë në skenë emra të njohur e artist të rinj.
Një mbështetje të tillë thuhet se e ka bërë edhe për këngëtaren Enca Haxhia, e cila kohë më parë kishte qenë pjesë e grupi OTR.
Pas disa polemikave mes tyre, Enca ishte larguar nga ky grup, ku më pas dyshja filluan me ‘përleshje’ virtuale.
Në një intervistë në emisionin NIN, Noizy, ka folur rreth ish-bashkëpunëtores së saj, të cilët e konsideron si person të lodhshëm.
“Enca ka qenë shumë e lodhshme pikë së pari, është shumë rob i lodhshëm, ka qenë kërkuese ka pasur gjëra pozitive të veta, por shumë e lodhshme, pastaj lindin problemet dhe mosmirënjohjet “, është shprehur ai.
Mes tjerash, reperi i hiteve të shumta ka thënë se ai ka dashur që Enca të jetë mirënjohëse ndaj ndihmës së tij.
“Del në televizion dhe thotë un ashtu, nuk po them dil të flasësh për Noizyn që ai më ka bërë mua, por kur bëhet pyetja, përgjigju siç është për tu përgjigjur”, përfundoi ai.
Ani pse tashmë nuk mbajnë asnjë kontakt mes vete, bashkëpunimet e dyshes kanë korrur sukses të madh në industrinë muzikore. /Telegrafi/
