Njohësit e çështjeve politike konsiderojnë se pa Shtetet e Bashkuara të Amerikës nuk mund të arrihet një marrëveshje përfundimtare mes Kosovës dhe Serbisë.
Këto deklarata vijnë pas përfundimit të vizitës së emisarit të BE-së për dialogun Miroslav Lajçak.
Lajçak gjatë vizitës në Kosovë ka thënë se mandati i tij nuk është që të sjell njohje mes dy vendeve por normalizimi i marrëdhënieve.
Sipas njohësve të çështjeve politike, me këto deklarata të Lajçakut vërehet se në mes shteteve të BE-së nuk ka unitet për Kosovën.
Prandaj sipas tyre roli i SHBA-së është vendimtarë për t’i dhënë fund procesit.
“Kosova ën mënyrë shumë diplomatike duhet t’i çastet raporteve me shtete e Bashkimit Evropian por edhe me SHBA-të. Procesi i definimit politikë të raporteve Kosovë-Serbi pa Shtetet e Bashkuara të Amerikës është definitivisht i pamundur. BE-ja mund të ndërmjetësojë e mund të jetë një faktorë shumë i rëndësishëm në proces, por më të rëndësishëm se SHBA-të nuk mund të ketë”, deklaroi për RTV Dukagjinin, Emrush Ujkani.
Analistët thonë se do të ishte shumë pozitive që BE-ja t’i bashkohej procesit të drejtuar nga SHBA në mënyrë që marrëveshje eventuale të ketë mbështetje sa më të gjerë.
“Konsideroj se do të ishte shumë më e drejtë nga ana e Bashkimit Evropian që t’i bashkëngjitet agjendës së Uashingtonit zyrtarë. Nëse Bashkimi Evropian e ka seriozisht që në këto hapësira ku jetojnë shqiptarët dhe serbët të sillet paqja, siguria dhe të forcohet bashkëpunimi është mirë që të bëhen pjesë e gjeopolitikës euro-atlantike”, deklaroi analisti Faton Abdullahu.
Pas një pauze të gjatë, përfaqësuesit nga Kosova dhe Serbia janë ftuar në Uashington për një takim me 27 qershor./Telegrafi/