Agron Bajrami prokuror i Prokurorisë Speciale të Republikës së Kosovës në shtator 2016 ka ngritur aktakuzë në Departamentin për Krime të Rënda në Gjykatës Themelore në Gjilan, kundër 39 të pandehurve përfshi ish-Kryetarin e Gjilanit, Qemajl Mustafa, për veprat penale të “krimit të organizuar”, “shpërdorimit të pozitës zyrtare ose autorizimit”, dhe “keqpërdorimit të autorizimeve në ekonomi”.
Ngritja e kësaj aktakuze, e cila ka bërë bujë në media, nuk iu ka dorëzuar vetë të akuzuarve. Këta të fundit, janë informuar vetëm përmes mediave se ndaj tyre është ngritur aktakuzë.
Kjo aktakuzë vazhdon të sillet poshtë e lartë në gjykata të ndryshme, por ende nuk është dorëzuar zyrtarisht edhe në duart e të akuzuarve për tu mbrojtur në mënyrë efektive.
Emisioni “Betimi për Drejtësi” ka hulumtuar fenomenin e ngritjes së aktakuzave pa i njoftuar palët e akuzuara. Për më tepër gjeni më poshtë videon e këtij hulumtimi.
