Shumica prej tyre punojnë në të njëjtën fushë. Por të gjitha kanë një të përbashkët: shfaqen shpesh në ekranet shqiptare dhe janë shumë të njohura për publikun.
Bëhet fjalë për motrat e famshme të ekranit shqipar. Motrat Libohova, motrat Bregu, motrat Gjoni, motrat Vjollca, motrat Istrefi e motrat Hoxha… por nuk janë të vetmet në shtëpinë e tyre.
Ndonëse këto e duan ekranin, modën, politikën, motrat e tyre preferojnë të qëndrojnë prapa skene pa u bërë pjesë e medias apo lajmeve.
Në fotografitë më poshtë mund të njiheni me motrat e tjera të motrave të famshme shqiptare.
(Majtas) Marina, Luana dhe Marseda dhe (djathtas) Lira Vjollca
Motrat Vjollca ia kanë prezantuar publikut nënën e tyre, Marian, por ato kanë edhe 2 motra: Lirën, që është më e madhja, nënë e 3 fëmijëve, që jeton e punon jashtë, dhe Marsedën, e cila gjithashtu jeton jashtë vendit.
Redia Hoxha, motra e pazakontë e Lorit dhe Sarës!
Redias duket se nuk i pëlqen të jetë e pranishme në ekrane apo në eventet ku ftohen motrat e saj, Lori dhe Sara Hoxha. Megjithatë, ajo është e përkëdhelura e motrave të saj më të mëdha, të cilat i bënë edhe një urim të veçantë për ditëlindjen e saj më 15 shkurt: ‘E vogla ime u rrit’, shkroi Lori. Ndërsa urimi i Sarës ishte kështu: Gëzuar ditëlindjen Hoxha më e pazakontë nga të gjithë ne!’
Ornela dhe Majlinda Bregu: kush ka motra, botën ka!
Për herë të parë, Majlinda Bregu shfaqi të motrën e saj në rrjetet sociale, kur publikoi një foto në Facebook së bashku me Ornelën, dhe motrën tjetër të tyren. ‘Kush ka motra, botën ka!’ shkroi deputetja e Partisë Demokratike.
Ilda, motra e madhe e Inis dhe Ingrid Gjonit
Ajo ka 3 fëmijë, mes tyre edhe Ana, mbesa balerinë e Inis dhe Ingrid Gjonit. Ilda Gjoni duket shumë ndryshe prej motrave të saj në pamje të parë, megjithatë edhe tek ajo dallohen tiparet karakteristike të motrave Gjoni.
Irma dhe Eranda shfaqin motrën e tyre, Ponjën
Ajo nuk ka dalë asnjëherë më parë në ekrane, por është shumë e shtrenjtë për 2 motrat e mirënjohura Libohova. A këndon edhe ajo? Sipas Erandës, vetëm në shtëpi!
Nora, Era, dhe Nita Istrefi
Nga të gjitha motrat jo të famshme, duhet thënë se Nita njihet pak më shumë. Ajo është stiliste në Kosovë e megjithatë, përveçse kur shoqëron motrat e saj Norën dhe Erën, duket se Nita nuk ka dëshirë të shfaqet në media. Ajo e mban të mbyllur profilin e saj në Instagram./Anabel/