Reperi i njohur Majk, është një ndër reperët më të pëlqyer të estradës.
Ai shumë shpejt do të publikojë projektin e tij më të ri muzikor, që do të jetë një këngë ritmike pranverore që pritet të lansohet në fund të këtij muaji, shkruan Telegrafi.
Ndërkohë, ai vazhdon të jetë shumë i kërkuar dhe i ndjekur në rrjetet sociale, në të cilat numëron me mijëra ndjekës.
Përveç fotografive të përditshme, Majk preferon që të publikojë herë pas here edhe ndonjë fotografi nga e kaluara e tij.
Në një grumbull të fotografive nga arkiva e tij në Instagram, mund të shohim disa imazhe të cilat tregojnë se si dukej Majk kur ishte i ri.
Si i vogël vishej elegant me këmishë dhe papion, ndërsa në adoleshencë reperi karakterizohet me flokë më të gjata.
Përmes fotografive të më poshtme ju ftojmë të njiheni me Majkun “e vogël”. /Telegrafi/
