Pas paraqitjes së suksesshme në Euro 2016, Kombëtarja e Shqipërisë do të nisë një tjetër rrugëtim edhe më të vështirë se ai që kaloi.
Në muajin shtator Kuqezinjtë do të kenë përballjet e para në eliminatoret e Botërorit që do të zhvillohet në Rusi në vitin 2018.
Risia në këtë përfaqësim do të jenë sërish fanellat. Macron ka ideuar fanellat e reja të Kombëtares të cilat do të jenë të ndryshme nga ato që u përdorën në Europian.
Siç shikohet fanella e parë zyrtare në ndeshjet brenda do të jetë ajo me ngjyrën e kuqe dhe të mbathurat e zeza, ku bien në sy rombet në pjesën e fanellës dhe shqiponja në gjoks.
Fanella e dytë do të jetë ajo me ngjyrë të zezë dhe mbathura po të zeza ku dallojnë sërish rombet dhe e treta fanella plotësisht e bardhë ku edhe këtu dallojnë rombet.
Shqipëria në fazën në grupe të Botërorit do të përballet me Spanjën, Italinë, Izraelin, Maqedoninë dhe Lihtenshtejnin. Ku nga këto ekipe të paktën me Spanjën dhe Maqedoninë do ti duhet të luajë në ndeshjet jashtë me fanellën e dytë.
