Një vajzë e vogël mrekullisht i ka shpëtuar më të keqes, në momentin kur një mik i familjarëve të saj e shkel pa dashje me rrotën e përparme dhe me atë të pasme.
Njëvjeçarja ishte duke luajtur në rrugë pranë shtëpisë së saj në qytetin kinez Chongyang, kur një mik i babait të saj e godet me veturën Audi dhe e fut nën rrota, transmeton Telegrafi.
Kamerat e sigurisë të instaluara në shtyllat elektrike, kanë filmuar momentin rrëqethës kur vetura e përplas për tokë fëmijën, të cilës më pas i kalon sipër me rrotën e përparme dhe të pasme.
Edhe pse në fillim e shkel me rrotën e parë, shoferi i pakujdesshëm nuk e kishte vërejtur që vetura i kërcen paksa dhe kështu vazhdon duke e shkelur edhe me rrotën e pasme.
Por edhe pse u përplas keq për tokë, ajo shpëtoi me vetëm disa gërvishtje të lehta në fytyrë. /Telegrafi/
