Paulo Dybala është këshilluar që të largohet nga Juventusi dhe t’i bashkohet Real Madridit.
Maurizio Zamparini, ish-president i Palermos, e transferoi sulmuesin nga klubi argjentinas, Instituto, në vitin 2012 duke e sjellë në Evropë dhe në futbollin italian.
Në një intervistë për Tuttosport, ai e ka këshilluar 26-vjeçarin që të nisë një fillim të ri te kampioni i Spanjës.
“Mosstartimi i Dybalas në Serie A, është blasfemi. Paulo është dashur ta dëgjonte këshillën time para tri vitesh dhe të largohej nga Torino”.
“Këshilla që ia jap sot është e njëjta: Paulo, largohu nga Juventusi dhe shko te Real Madridi. Ti je një kampion, ko një zëvendës”, ka thënë Zamparini. /Telegrafi/