Një video që po qarkullon në rrjetet sociale nga vikendi i kaluar, shfaq një grup të burrave që rrahin një burrë me prejardhje aziatike në stacionin e metrosë në Manhattan të New Yorkut.
Videoja është filmuar përkatësisht në rrugën Fulton, ku shihet një burrë të cilin e mbante të lidhur me duar një person tjetër – e tjerët që kalonin e grushtonin, transmeton Telegrafi.
Madje një prej kalimtarëve të shumtë, e godet pandërprerë me shuplaka në fytyrë – e një tjetër me grushta në kokë.
Allegedly this man attempted to rape a girl on the train 🚆 and these good citizens pulled him off the train
@ blairrrichardson pic.twitter.com/X0nVbz45DV
— GrindFace TV (GPound.com) (@grindfacetv_) May 27, 2022
Ajo çfarë është më e tmerrshme është fakti se masa dëgjoheshin duke brohoritur e qeshur, me veprimet që i bënin kalimtarët.
Disa pretendojnë se ai ishte kapur duke tentuar ta përdhunojë një femër – madje ata që e godasin thonë se po e mbajnë derisa të shfaqet policia.
A group of men attacked a man earlier this weekend. Know the victim ? Please have him contact us. https://t.co/WXbIEAnWvX
— Asian Hate Crimes Task Force (@NYPDAsianHCTF) May 29, 2022
Tjerët mendojnë se thjesht ishte një sulm me motive raciste – duke mos dhënë informacione tjera që mund të kenë çuar deri të ky sulm.
Policia ka njoftuar se po heton rastin, duke mos dhënë detaje nëse personat që e godasin po kërkohen nga autoritetet e rendit. /Telegrafi/