Një zyrtar i lartë amerikane ka konfirmuar për CNN, se Izraeli qëndron prapa sulmit që vrau njërin nga liderët e Hamasit, Sale al Arouri.
Zyrtari i paidentifikuar tha se administratës së Bidenit nuk i ishte thënë paraprakisht për operacionin, transmeton Telegrafi.
Axios raportoi se SHBA ishte informuar “derisa operacioni po ndodhte”.
Në anën tjetër, Izraeli nuk ka marrë përgjegjësinë për sulmin, edhe pse është fajësuar nga Hamasi për këtë.
Ekspertët e sigurisë thonë se ky veprim mund të çojë në përshkallëzimin e situatës në terren, dhe zgjerim të konfliktit. /Telegrafi/