Një aksident i rëndë ka ndodhur të dielën në fshatin Celinë të Rahovecit, si pasojë një person ka mbetur i vdekur dhe katër të tjerë të lënduar.
Rasti është konfirmuar nga Policia në rajonin e Gjakovës.
Mësohet se dy nga katër të lënduarit janë në gjendje të rëndë, dhe janë dërguar në Spitalin Rajonal të Gjakovës.
Personat e lënduarit janë nxjerrë nga veturat me ndihmën e zjarrfikësve për shkak të dëmit të madh të shkaktuar në vetura si pasojë e ndeshjes.
Në vendin e ngjarjes tashmë kanë arritur edhe njësitet e policisë dhe po merren me rastin.
Sipas dyshimeve të para, shkak i aksidentit mund të ketë qenë tejkalimi i shpejtësisë në rrugë./Telegrafi/
