Në rrjetet sociale vëmë re një trend të ri (të çuditshëm) i cili të paktën në emër është i frymëzuar nga krijesa mitike.
Nëse, për shembull, shkruani “zana duke fluturuar në TikTok”, do të shihni trupa njerëzish që “lëkunden/lundrojnë” në ajër, ndërsa koka shpesh nuk është në kornizë. Shumë i krahasojnë skena të tilla me video të rreme të “vetëvrasjeve duke u varur”, ndërsa ekspertët bëjnë thirrje për kujdes.
Të theksojmë menjëherë se videot mund të jenë shqetësuese për disa lexues dhe se sa ka marrë hov trendi tregon më shumë se 66 milionë (në total) shikime në rrjetin e njohur social.
Në një nga videot shihet vajza duke “lundruar” në ajër dhe duke tundur krahët. Ajo në fakt është duke qëndruar në komodinë ndërsa nallanet janë rregulluar për të krijuar iluzionin, raporton newyorkpost.
Shumë përdorues reaguan me shaka, e disa theksuan se skena i “ngatërroi plotësisht” dhe se “duket shumë e vërtetë”.
Një tjetër klip viral tregon një person me çorape të bardha duke lëvizur këmbët në ajër, gjë që ne e pranojmë se duket e çuditshme, pavarësisht nga melodia shoqëruese.
Trendi i ri mund të shkaktojë emocione negative tek njerëzit që kanë pasur mendime vetëvrasëse ose kanë të dashur që kanë tentuar ose kryer vetëvrasje, sipas ekspertëve.
Ndryshe, TikTok ka hequr më parë përmbajtjen/hashtags nga platforma pasi ato u konsideruan të rrezikshme për përdoruesit, duke përfshirë sfidën famëkeqe të “errësimit”. /Telegrafi/