Valon Berisha është gati t’i shënojë Partizanit dhe shpreson që ta bëjë një gjë të tillë në sfidën e nesërme ndaj të kuqve.
Mesfushori i Salzburgut, i cili luan me kombëtaren e Norvegjisë, ka treguar se nuk e njeh mirë Partizanin, por ka bindjen e plotë se kjo do të jetë një ndeshje e vështirë.
“Nuk e njoh ekipin e Partizanit. E di që do të jetë një ndeshje e fortë dhe shqiptarët nuk do të tolerojnë. Nuk mendoj se prezenca ime në fushë do ta bëj më intrigues takimin, pavarësisht se unë jam shqiptar”, tha ai.
Sipas tij, çdo fitore jashtë fushe do të ishte e vlefshme për kualifikimin, ndaj edhe ajo 1-0 ishte mëse e mjaftueshme për sa kohë që afronte kalimin në turin tjetër.
“Jemi përgatitur vetëm për fitore. Jemi këtu, duam të bëjmë një lojë të mirë. Ne duam të bëjmë gjithmonë lojën tonë. Duam të luajmë mirë në mbrojtje dhe rezultati 1-0 për ne është komod”.
“Do të jetë një ndeshje shumë e rëndësishme për ne sepse bëhet fjalë për të vazhduar në Evropë ndaj duhet ta marrim shumë seriozisht këtë ndeshje. Nëse do të më jepet rasti sigurisht që do të shënoj”, tha ai.