Një seri posterash me logon e grupit mercenar rus Wagner janë shfaqur në rrugët e qytetit polak Krakowa, raportojnë mediat polake.
Anëtari i administratës së qytetit të Krakowas, Lukasz Wantuch e njoftoi këtë në Facebook këtë javë, transmeton Telegrafi.
“Në Krakowa u shfaqën postera që bënin thirrje për t’iu bashkuar grupit Wagner. Është një mënyrë provokimi dhe nuk ka ndodhur vetëm në Krakowa”, tha ai.
Posterat me mbishkrimin “Ne jemi këtu. Bashkohuni me ne” ftojnë – në anglisht të bashkoheni me Wagner, dhe kodi QR që shoqëron ftesën të çon në një faqe në gjuhën ruse.
Gazeta polake Gazeta Krakowska raportoi se Bartlomiej Izdebski, një oficer policie i Krakowas, tha se policia kishte marrë informacion për dy postera të tillë.
“Po mbledhim deklarata, foto dhe do të hetojmë”, tha ai.
Policia lëshoi një deklaratë të veçantë duke thënë se oficerët gjetën thirrje të tilla në shumë vende në qytet pasi morën një informacion për të parën. /Telegrafi/