Një i ri nga Lipjani ka humbur jetën, derisa raportohet se ishte duke qëndruar për vizitë te dajët e tij.
17-vjeçari Argjend Mena, ishte dërguar në Qendrën e Mjekësisë Familjare në Komoran, ku edhe mjeku kujdestar ka konfirmuar vdekjen e tij.
Doktori Feriz Bytyqi theksoi se kanë bërë të pamundurën, por se nuk arritën ta shpëtonin atë.
“Ndarja nga jeta në moshën 17 vjeçare e të riut nga Lipjani Argjend Mena, jo vetëm që ishte një goditje e rëndë për familjen e të dashurit e tij, por ishte edhe një dhimbje dhe përgjegjësi edhe për ne si staf shëndetësor. Ku përkundër masave tona mjekësore për të bërë të pamundurën të mundur, shpirti i tij u ngjit lartë për tek Poseduesi e Krijuesi Absolut, Atij i qofshim falë. Zoti të mëshiroftë ty o engjull, e të pafshim një ditë duke u kënaqur atje lartë në Parajsë tek Zoti yt”, ka shkruar ai./Telegrafi/
