Një femër ka raportuar se derisa kishte qenë në vendin e punës në institucionin mikrofinanciar, një person me maskë antiCOVID-19, i kishte marrë para.
Sipas raportit të policisë, rasti ka ndodhur të hënën rreth orës 12:30, në Prishtinë.
Siç thuhet në raport, viktima nga frika ja kishte dhënë parat dhe më pas i dyshuari ishte larguar në këmbë.
“Viktima femër kosovare ka raportuar se derisa kishte qenë në vendin e punës në institucionin mikrofinanciar aty kishte shkuar një person me maskë anti Covid në fytyrë pa e ekspozuar ndonjë armë dhe i ka marr para. Viktima nga frika të dyshuarit ja kishte dhënë parat dhe më pas i dyshuari ishte larguar këmbë nga vendi i ngjarjes. Njësitë policore kanë dalë në vendin e ngjarjes. Lidhur me rastin është njoftuar prokurori”, thuhet në raport. /Telegrafi/