Paris Saint-Germaini është i gatshëm të bëjë një ofertë ‘të parefuzueshme’ kundrejt Tottenham Hotspur për të siguruar shërbimet e Harry Kane.
Bayern Munichu i ka bërë dy oferta për sulmuesin anglez, të cilat janë refuzuar nga Spursat, ndërkohë që në garë është edhe kampioni i Ligue 1.
PSG po insiston që t’i diskutojë kushtet personale me kapitenin e Anglisë para se të bëjë një ofertë potenciale.
Nëse e arrin qëllimin, sipas Foot Mercato, pastaj klubi francez do ta bëjë një ofertë që Tottenhami nuk do të mund ta refuzojë.
Kontrata e Kane me klubin aktual skadon në verën e ardhshme, mirëpo raportohet se Spursat kërkojnë 120 milionë funte (140 milionë euro) për shërbimet e tij, përkundër kontratës së shkurtër.
Parisi mund ta paguajë atë shumë vetëm në rast se e shet Kylian Mbappen te Real Madridi këtë verë. /Telegrafi/