Gjykata Themelore në Ferizaj – Departamenti për Krime të Rënda, ia ka caktuar një muaj paraburgim të pandehurit R.M., i dyshuar për marrje të ryshfetit në ndihmë dhe ushtrim të ndikimit.
Sipas njoftimit, gjykata në këtë rast ka gjetur se ekziston dyshimi i bazuar se i pandehuri ka kryer veprat penale të lartpërmendura, dhe ky dyshim i bazuar mbështet nga faktet dhe provat të cilat janë të bashkangjitura deri në këtë fazë.
“Gjyqtari i procedurës paraprake i Departamentit për Krime të Rënda kërkesën e prokurorit të shtetit për caktimin e masës së paraburgimit kundër të dyshuarit R.M., e ka aprovuar si të bazuar dhe të njëjtit i është caktuar masë e paraburgimit në kohëzgjatje prej një (1) muaji, konform dispozitave ligjore të Kodit të Procedurës Penale të Republikës së Kosovës, për shkak të dyshimit të bazuar se i pandehuri ka kryer veprat penale të përshkruara si më lartë”, thuhet në njoftimin për media të gjykatës.
Me këtë rast palët njoftohen se ankesa kundër këtij aktvendimi nuk e shtynë ekzekutimin e tij./Telegrafi/