Jennifer Lopez ishte emblema e festës në festën “ELLE’s Women in Hollywood” në Nya Studios në Los Angeles të martën.
Ylli 54-vjeçar bëri një ‘selfie’ me këngëtaren shqiptare me famë ndërkombëtare, Bebe Rexha, shkruan DailyMail.
Interpretuesja e hitit “I’m A Mess” u pa duke u përkulur teksa përdorte një dritë speciale në telefonin e saj celular për ekspozim shtesë.
Pak pas kësaj, Bebe postoi rezultatet e ‘selfie’-s në InstaStory të saj.
Por duket se të dyja kanë përfituar shumë nga një filtër i cili i bëri të dukeshin pa të meta në fotografi.
Jennifer buzëqeshte pranë Bebes si të ishin shoqe të vjetra. Kjo vjen pasi Bebe tha se kishte provuar një audicion për një rol në filmin e Jenniferit, “Hustlers”, por nuk e fitoi atë. “Më kontaktuan dhe unë isha si, ‘Ok, po, sigurisht'”, tha ajo.
“Kështu që mora një trajnere për aktrim. Ajo ishte e mahnitshme dhe më mësoi si të aktroj. Ishte shumë e vështirë megjithatë, sepse duhet të jesh serioze”, tha interpretuesja e hiteve botërore.
Rexha provoi për rolin e një “vajze ruse nga New Yorku”, por nuk e fitoi kurrë rolin.
Sidoqoftë, për të ishte mirë sepse nënës së saj nuk i pëlqente që ajo të luante rolin e një striptiste: “Nënës sime nuk i pëlqente kjo”, tha ajo gjatë një interviste në Beats 1 në vitin 2019.
Pjesën më të madhe të mbrëmjes Lopez ishte me burrin e saj, Ben Affleck.
Çifti u martuan në korrik të vitit 2022 pasi rindezën romancën e tyre në maj të vitit 2020 pas 17 vjetësh të ndarë.
Jennifer shkëlqeu e veshur me një fustan të zi me një pjesë të përparme futuristike nga materiali i kromit që tregonte mjaft nga pjesa e poshtme e gjoksit.
Ndërsa ishte në tapetin e kuq, Lopez i tha Access Hollywood se fustani i saj e bënte të ndihej “e blinduar” dhe “e fuqishme”.
Jennifer ishte një nga të nderuarat e mbrëmjes si dhe ylli i kopertinës së dhjetorit të revistës. /Telegrafi/
