Një person dyshohet se u përdhunua seksualisht nga një mashkull tjetër në Prizren. Policia është në kërkim të personit i cili e përdhunoi 27 vjeçarin. Pasi ka marrë ndihmën e parë mjekësore, viktima është dërguar për trajtim të mëtutjeshëm në spitalin rajonal të Prizrenit.
Viktima me inicialet A.M 27 vjeç dyshohet se u përdhunua seksualisht rreth orës 16:00. Ngjarja u pa punëtorët e shërbimit urgjent në rrugën ‘Tirana’ në Prizren të cilët edhe njoftuan policinë.
Policia ende po e konsideron rastin si tentim-përdhunimi.
Pjesëtarët e stafit mjekësor që i kishin ofruar ndihmë viktimës së përdhunuar nuk ishin në punë të martën, por as nuk deshën të flasin para kamerës për rastin, ani se dëshmitë i kishin dhënë në polici.
Por një dëshmitare që punon në afërsi të vendit të ngjarjes tregoi në kushte anonimiteti se çka pa, pasi erdhën policët në vendin e ngjarjes.
“Ka pas vështirësi me ecë, u shihke që nuk kishte mirë vetëdije”, tha ajo për Klan Kosova.
Policia ka konfirmuar se babai i viktimës kishte deklaruar se djali është me të meta.
