Telegrafi

Një luftëtar si Rudiger, gjermani u gjakos i tëri pas sakrificës së madhe për të shënuar golin e barazimit për Real Madridin

Shkumbin Pireva

Antonio Rudiger sakrifikoi gjithçka për të shënuar golin e barazimit me kokë në minutat shtesë për Real Madridit kundër Shakhtar Donetsk.

14 herë kampionët e Evropës e gjetën veten n disavantazh 1-0 pas pjesës së parë, kur Oleksandr Zubkov kaloi në epërsi ekipin ukrainas.

Dhe pavarësisht nga të gjithë talentet sulmues për Los Blancos, ishte Rudiger ai që i barazoi shifrat me një gol me kokë.

Ishte një krosim i thellë në zonë nga Toni Kroos, me Rudiger që ishte në rolin e një sulmuesi të improvizuar.

Ai doli përballë portierit Anatoliy Trubin dhe shënoi me kokë një gol dramatik. Por gjermani nuk ishte në gjendje të festonte dhe në vend të kësaj u shtri në tokë pasi fytyra e tij iu mbush me gjak.

 

Rudiger mbeti i përgjakur pas përplasjes dhe duhej kujdesi nga mjekët, të cilët përdorën një leckë për t’i ndalur plagën e tij dhe pastruan gjakun në fanellën e tij të bardhë.

Ky po cilësohet si një mentalitet absolut i një luftëtar nga Rudiger, i cili do të bëjë gjithçka që duhet për të mirën e ekipit. /Telegrafi/