Marrëdhënia e prezantuesit Donald Veshaj dhe këngëtares Beatrix Ramosaj ka qenë shumë e komentuar gjatë kësaj kohe.
Dyshja, të cilët po përfliten për një raport më shumë se miqësor, së fundmi kanë marrë vëmendje me veprimet ndaj njëri-tjetrit.
Ata fillimisht u panë duke u larë së bashku në dush, më pas duke shkëmbyer ca shikime bashke e këtë herë ndërmjet dyshes nuk munguan as ledhatimet.
Krijuesja e hitit “Pa ndjenjë” u shfaq e shtrirë në krahët e aktorit nga Vlora gjë që bëri të ketë reagime nga më të ndryshmet si në rrjete sociale e po ashtu edhe në faqet rozë.
Nuk është definuar akoma nëse mes dy banorëve do ketë diçka më shumë, apo thjesht veprime të momentit.
Donaldi nga ana tjetër brenda shtëpisë së Big Brother VIP ka folur disa herë për lidhjen me prezantuesen Bora Zemani, madje ishte befasuar në fillim të spektaklit teksa sollën emocione të mëdha me puthje e përqafime.
Të njëjtit bënë të ditur se do të sqarohen jashtë duke e lënë pezull romancën e tyre.
Sido që të jetë, pritet të shihet se si do të rrjedhë ngjarja në vijim. /Telegrafi/