Një person (iranian) ka tentuar të udhëtojë nga Aeroporti i Prishtinës, duke prezantuar pasaportën e dikujt tjetër.
Në raportin e Policisë së Kosovës bëhet e ditur se fjala është për një iranian i cili kishte tentuar të udhëtonte me pasaportë të Uruguait.
Ngjarja ka ndodhur mbrëmjen e së martës, ndërsa bëhet e ditur se i dyshuari i është dorëzuar njësisë së migrimit për procedura të mëtejme.
“Aeroporti i Prishtinës 15.08.2023-20:30. Është ndaluar i dyshuari mashkull shtetas i Iranit, pasi që i njëjti në kontroll të dokumenteve ka prezantuar pasaportën e Uruguait që ishte në emër të një personi tjetër. I dyshuari i është dorëzuar njësisë së migrimit për procedura të mëtejme”, thuhet në raport. /Telegrafi/