Aktori Ben Affleck dhe këngëtarja Jennifer Lopez , pas një mbrëmje plot ngjarje në Festivalin e Filmit në Venecia, u larguan nga qyteti të shtunën.
Sidoqoftë, kur mbërritën në aeroportin e Venecias, ata patën një takim të pakëndshëm me një fans.
Videot e xhiruara në aeroport tregojnë një burrë me një këmishë dhe pantallona të shkurtra, duke nxituar para sigurimit për ta fotografuar yllin e “Hustlers”.
E tronditur nga befasia, Jennifer u tërhoq mënjanë dhe u fsheh pas Benit, i cili reagoi shpejt dhe e largoi burrin. Ben kishte veshur një këmishë të errët dhe xhinse blu, ndërsa Jennifer një fustan të bardhë me pika dhe taka të zeza.
Pasi e largoi burrin, Ben u shfaq për dore me aktoren amerikane dhe ata u larguan për të kapur fluturimin e tyre.
Dyshja zyrtarizuan lidhjen në tapetin e kuq në premierën e filmit të Affleck, “The Last Duel”.
Ngjarja e tyre e fundit në tapetin e kuq ishte në shkurt të vitit 2003 në premierën e filmit “Daredevil”. Ata ishin fejuar në atë kohë.
Sidoqoftë, të njëjtit u ndanë në 2004.
Pas kësaj, Ben u martua me aktoren Jennifer Garner, me të cilën ka tre fëmijë. Ata u divorcuan në 2017.
Ndërkohë, J.Lo u martua me Marc Anthony, me të cilin ka dy fëmijë. /Telegrafi/
