Një grua në Tajlandë i vuri flakën motoçikletës së ish të dashurit të saj – të cilën ia kishte bërë dhuratë – për t’u hakmarrë ndaj tij.
Sipas mediave të huaja, përcjell Telegrafi, pamjet e kapura të incidentit janë bërë virale në mediat sociale.
Siç thuhet më tej, Kanok Wan, 36 vjeçe, derdhi benzinë në “karrocën me dy rrota” dhe i vuri flakën të hënën në një park shkollor në Bangkok.
Ajo dyshohet se donte të hakmerrej ndaj ish-partnerit të saj pasi ai refuzoi të kthehej me të.
Për fat të mirë, nuk u raportuan të lënduar për shkak të incidentit.
Sidoqoftë, motoçikleta të tjera të parkuara aty pranë u përfshinë gjithashtu në flakë para se të mbërrinin ekipet e zjarrfikësve për të shuar zjarrin. /Telegrafi/
