Një grua lindi një vajzë teksa ndiqte koncertin e 50 Cent në Ridgefield, Washington në fillim të këtij muaji.
Një burim i tha Page Six të martën për skenarin e pamundur, i cili ndodhi në shfaqjen e reperit më 6 shtator në Amfiteatrin RV Inn Style Resorts.
“Vajza lindi në vend, dhe nëna dhe fëmija u transportuan më pas në spital, të gjithë janë mirë”, tha një burim për median.
Stafi mjekësor u përpoq të kujdesej për gruan që “dukej se ishte në ankth”, tha burimi për median, kur ata zbuluan se ajo ishte tashmë në lindje dhe nuk mund të zhvendosej në mënyrë të sigurt nga vendi ku ishte, shkruan DailyMail.
Punonjësit u mblodhën rreth gruas për të formuar atë që burimi e përshkroi si një ‘perde njerëzore’ përpara se të gjenin çarçafë që mund të mbanin rreth lindjes së foshnjës.
Reperi është aktualisht në turneun e tij ndërkombëtar të titulluar “The Final Lap”, me Busta Rhymes dhe, me koncerte në Amerikën e Veriut.
Turneu filloi në Qendrën Maverik në Salt Lake City, Utah më 21 korrik dhe është planifikuar të zgjasë deri më 12 nëntor me një datë në Resorts World Arena në Birmingham, Angli.
Turneu, i cili prodhohet nga Live Nation, përkujton 20-vjetorin e albumit megahit të reperit “Get Rich or Die Tryin”, i cili solli hite si: In da Club, PIMP dhe If I Can’t.
Pas përfundimit të turneut në Amerikën e Veriut të dielën me një shfaqje në Teatrin muzikor Pine Knob të Detroitit, 50 Cent është planifikuar të rifillojë turneun më 28 shtator në Amsterdam.
Reperi pati një shfaqje kaotike më 30 gusht në Crypto.com Arena në Los Angeles, teksa hodhi një mikrofon të thyer në turmë.
Predha goditi në kokë Bryhana Monegain, drejtuese e radios për Power 106, duke e plagosur. Ajo më pas paraqiti një raport në polici, sipas TMZ.
Një numër incidentesh të ngjashme janë raportuar në vitet e fundit ku përfshihen gra që lindin ndërsa ndiqnin një koncert.
Muajin e kaluar, një grua e quajtur Angela Mercer filloi të lindte ndërsa ndiqte një koncert Pink në Fenway Park të Bostonit dhe shkoi në një spital aty pranë për të përfunduar procesin.
Në maj të vitit 2022, një gura filloi të lindë në Curitiba, stadiumi Couto Pereira i Brazilit, ndërsa Metallica po luante hitin e tyre “Enter Sandman”. /Telegrafi/