Trajneri i Real Madridit , Carlo Ancelotti ngushëlloi Gennaro Gattuson pasi italiani u shkarkua nga Valencia.
Gattuso dhe Valencia u ndanë javën e kaluar. Zyrtarisht, ish-mesfushori italian u largua nga klubi me marrëveshje të dyanshme.
Ancelotti, i cili drejtoi Gattuson në Milan për shumë vite, ngushëlloi ish-lojtarin e tij në një konferencë për shtyp të mërkurën.
“Shkarkimi është pjesë e punës, duhet ta marrim parasysh”, ka thënë fillimisht Ancelotti në konferencë.
“Mendoj se të gjithë janë përballur me të. Ndoshta, i vetmi përjashtim është Pep Guardiola, por nëse vazhdon të jetë trajner, do t’i ndodhë një ditë. Është pjesë e punës, jam shkarkuar shumë herë, por jam ende këtu. Ka gjëra më të këqija”, përfundoi italiani.
“Io sono stato cacciato da tutto il mondo, ci sono cose peggiori”
“Capita a tutti, prima o poi capiterà anche a Guardiola”Ancelotti consola Gattuso dopo l’esonero 🤝 pic.twitter.com/fcHqVqp7RJ
— GOAL Italia (@GoalItalia) February 1, 2023
Gattuso dhe Ancelotti u takuan në Superkupën e Spanjës në fillim të janarit dhe në prag të ndeshjes, çuditërisht zbuluan se nuk janë më në marrëdhënie të mira duke mos folur me njëri-tjetrin për më shumë se një vit.
Ish-mesfushori italian fitoi dy herë Ligën e Kampionëve te Milani nën drejtimin e Ancelottit dhe e zëvendësoi atë si trajner i Napolit në 2019. /Telegrafi/