Artistja shqiptare me famë ndërkombëtare, Dua Lipa nesër (9 shkurt) nis turneun botëror “Future Nostalgia”.
Koncerti i parë i turneut do të mbahet në Miami, atje ku 26-vjeçarja po qëndron prej ditësh ku edhe ka shijuar disa ditë pushimi duke u relaksuar në plazh.
Kur ka mbetur edhe një ditë para fillimit të turneut, Dua përmes disa imazheve ka treguar se është e lumtur dhe mezi pret të takohet me fansat.
“Koncerti në Miami nesër, nata e parë e turneut Future Nostalgia, mezi po pres të iu shoh”, ka shkruar Lipa në mbishkrimin e fotove që ndau me miliona fansa në Instagram.
Në fotografit e publikuara, Dua solli pamje nga ditët e fundit, të cilat i kaloi duke u argëtuar me shoqërinë e saj në ahengje të ndryshme, ndërsa shihet në formë të mrekullueshme.
Krijuesja e hitit “Levitating” do të mbaj koncerte në qytete të ndryshme të botës deri në fillim të korrikut, kur do të marrë disa javë pushim.
Ndërkaq, javë më parë Dua dha dhënë fund romancës së saj me modelin, Anëar Hadid.
Ndarja e tyre thuhet se erdhi për shkak të orareve të ngjeshura dhe angazhimeve profesionale të dyshes. /Telegrafi/