Një punonjës amerikan i ambasadës është gjetur i vdekur në kryeqytetin e Ukrainës, sipas mediave lokale.
Sipas mediave të huaja, përcjell Telegrafi, trupi i atasheut të paidentifikuar të ambasadës u gjet të martën në hotelin Hilton të Kievit, njoftoi të mërkurën gazeta online Strana UA, duke cituar burime të zbatimit të ligjit.
Gazeta ukrainase e lajmeve New Voice (NV), duke cituar burime të paidentifikuara, raportoi gjithashtu se trupi i atasheut u gjet në hotelin Hilton të qytetit të martën.
Zëdhënësi i Departamentit të Shtetit të SHBA, Matthew Miller konfirmoi më vonë vdekjen, duke thënë gjatë një konference për shtyp të mërkurën se një punonjës i qeverisë amerikane kishte punuar në Kiev.
Lajmi për vdekjen vjen më shumë se dy vjet pas luftës së Rusisë me Ukrainën.
Që kur Rusia nisi pushtimin e saj më 24 shkurt 2022, SHBA i ka ofruar vendit rreth 51.2 miliardë dollarë ndihmë ushtarake. /Telegrafi/