Një notar në një plazh popullor të Sidneit është gjendur padashur pak metra larg një peshkaqeni ndërsa notonte në shpinë në ujë të cekët.
Sipas mediave të huaja, përcjell Telegrafi, pamjet e jashtëzakonshme me dron janë xhiruar mbi plazhin Maroubra të martën, në kohën kur peshkaqenët kanë më shumë gjasa t’i afrohen bregut për t’u ushqyer.
Në video, një burrë i veshur me pantallona të shkurtra mund të shihet në plazh në ujë të thellë deri në bel, ndërsa batica e çon atë drejt një peshkaqeni rreth dy metra të gjatë – të cilin ai nuk e sheh.
Dhe në një moment, një valë e tërheq prapa dhe e lëshon në një vend ku peshkaqeni është pak mbi shpatullën e tij të djathtë.
Për fatin e tij të mirë, peshkaqeni gri i kapur në film po ushqehej, por ishte i interesuar për peshqit.
“Nëse do të ishte një peshkaqen i bardhë, do të ishte një histori tjetër”, ka thënë njeriu që mori pamjet.
Sidoqoftë, ndërsa sulmet nga peshkaqenë gri, të cilët janë një specie e rrezikuar, janë të rralla, ato ndodhin. /Telegrafi/
