Chelsea është njëra nga skuadrat më aktive në tregun e transferimeve.
Gjiganti anglez ka arritur ta transferojë mesfushorin maroken Hakim Ziyech nga Ajax, ndërsa një gjë të tillë e ka bërë edhe me sulmuesin gjerman Timo Werner.
E gjatë ditës së sotme në klub ka mbërritur marokeni Ziyech, duke befasuar të gjithë.
Ziyech është shfaqur në stërvitje me Chelsean, pasi ai kishte kompletuar transferimin tek kjo skuadër muaj më parë.
Ka qenë faqja zyrtare e Chelseat në Twitter, që ka publikuar foton e marokenit në stërvitje.
Welcome to Chelsea, Hakim! 👊 pic.twitter.com/MiOHApNGZD
— Chelsea FC (@ChelseaFC) July 11, 2020
“Mirësevjen në Chelsea, Hakim”, ishte mbishkrimi i fotografisë.
27-vjeçari iu bashkua Chelseat nga Ajaxi, ku kishte kaluar katër sezone me kampionin e shumëfishtë holandez.
Ziyech këtë edicion zhvilloi 35 ndeshje në të gjitha garat duke shënuar tetë gola e duke bërë 21 asistime, ndërsa Chelsea pagoi 40 milionë euro për transferimin e tij. /Telegrafi/