Një ari bëri bujë në Schenectady, New York, të martën në mëngjes pasi disa banorë vendas panë kafshën duke ecur nëpër rrugët e qytetit.
Departamenti i Policisë Schenectady tha në një deklaratë të martën se kishte marrë disa raporte të një ariu që udhëtonte nëpër lagjen Woodlawn të qytetit, përcjell Telegrafi.
Lloji i ariut të pikasur ishte i paqartë dhe ai më vonë “u tërhoq” në tokë pyjore.
Sipas departamentit, oficerët kërkuan ndihmën e Departamentit shtetëror të Ruajtjes së Mjedisit.
Shkollat lokale u njoftuan dhe policia këshilloi ata që jetojnë në zonë të qëndrojnë të azhurnuar për situatën në zhvillim.
Policia tha se ata po përpiqeshin të siguronin që ariu të qëndronte larg rrugëve kryesore të qytetit dhe që ajo të kthehej në “mjedisin e saj natyror”. /Telegrafi/