Mbrëmjen e së martës një person është gjetur pa shenja jete në Kaçanik.
Zëdhënësi i policisë për Rajonin e Ferizajt, Kanun Veseli ka thënë për Telegrafin se viktima është një 37-vjeçar, derisa i njëjti është gjetur pa shenja jete në një veturë në rrugën “Vëllezërit Çaka” në Kaçanik.
“Sot, rreth orës 16:25 policia e Kaçanikut ka pranuar një informacion se në rrugën “Vëllezërit Çaka” në Kaçanik, në një veturë dyshohet se një person Z.S (M/K) i moshës 37 vjeçar dyshohet se është pa shenja jete”, deklaroi Veseli.
“Policia e rendit e më pas edhe policët hetues, menjëherë i kanë marrë veprimet e nevojshme, kanë dalë në vendin ngjarjes së bashku me një ekip të Emergjencës së Kaçanikut dhe nga mjeku kujdestar është konstatuar se viktima është pa shenja jete”, shtoi zëdhënësi i policisë për Rajonin e Ferizajt.
Veseli tha se policia ka siguruar perimetrin e vendit të ngjarjes dhe nën autorizim të prokurorit kujdestar nga Prokuroria Themelore në Ferizaj i ka nisur hetimet./Telegrafi/