Një vajzë e moshës 20 vjeçare ka përfunduar në Spitalin e Gjakovës, pasi që e njëjta është detyruar të përdorë substanca narkotike.
Lajmin për Telegrafin e ka konfirmuar zëdhënësi i policisë në rajonin e Gjakovës, Nysret Gjurkaj.
Ai shtoi se viktima ka pasur gjakderdhje nga hunda.
“Viktima është detyruar që të përdorë substancën e dyshuar narkotike. Ajo ka pasur gjakderdhje nga hunda dhe aktualisht është e hospitalizuar në Spitalin e Gjakovës”, tha Gjurkaj.
Gjurkaj shtoi se lidhur me rastin deri më tani janë intervistuar dy persona. /Telegrafi/