Këngëtarja e njohur, Nita Latifi, ka qenë pjesëmarrëse në edicionin e dytë të Big Brother VIP Albania.
Ajo qëndroi brenda shtëpisë më të famshme në Shqipëri plot 110 ditë, duke u kthyer në një nga personazhet shumë të dashura për publikun.
E njëjta pas përfundimit ka dhënë një intervistë për Prive, ku edhe ka treguar për eksperiencën në këtë reality show.
Artistja shqiptare mes tjerash theksoi se familja e saj kanë marrë kërcënime gjatë kohës sa ishte në shtëpi.
Megjithatë, ajo shtoi se nuk i kanë marrë edhe aq seriozisht pasi në fund të fundit ishte thjesht një lojë.
“Ka pasur ofendime, kërcënime të ndryshme por familja ime ka qenë e vetëdijshme që ajo thjesht ka qenë një lojë, në kuadër të lojës. Kanë arritur të mbajnë një balans dhe të mos e marrin afër zemrës”, tha Latifi.
Fitues i këtij edicioni vlen të ceket se është shpallur Luiz Ejlli. /Telegrafi/
