E plotësuar: Ka përfunduar takimi i kryeministrit Albin Kurti, me përfaqësuesit e partive opozitare.
Në këtë takim që u zhvillua në Kuvendin e Kosovës, morën pjesë kryetari i LDK-së, Lumir Abdixhiku dhe ai i AAK-së, Ramush Haradinaj.
—-
Ka nisur takimi mes kryeministri Albin Kurti dhe dy liderëve opozitarë, Lumir Abdixhiku nga LDK dhe Ramush Haradinaj nga AAK.
Abdixhiku në këtë takim po shoqërohet nga nënkryetari Lutfi Haziri, sikurse Haradinaj poashtu nga nënkryetari Ardian Gjini.
Në këtë takim po merr pjesë edhe zëvendëskryeministri Besnik Bislimi.
Ky takim po mbahet në ambientet e Kuvendit të Kosovës, ku Kurti pritet që t’i informojë liderët opozitarë për takimin e fundit që pati në Bruksel lidhur me dialogun.
Kryetari i Partisë Demokratike të Kosovës, Memli Krasniqin nuk iu ka përgjigjur pozitivisht ftesës së Kurtit për tu takuar, duke thënë se është i gatshëm për takim vetëm kur procesi i dialogut të ketë avancim dhe diskutim konkret mbi arritjen e marrëveshjes finale me Serbinë. /Telegrafi/