Nikshiqi i Malit të Zi e ka fituar turneun ndërkombëtar të hendbollisteve që u zhvillua në Gjakovë për festën e gruas, 8 Marsin.
Të martën në finale, Nikshiqi fitoi ndaj Ulqinit me rezultatin 26-23. Tri hendbolliste të Nikshiqit i shënuan nga gjashtë gola në finale, Nina Ramusheviq, Danila Radoniq dhe Milica Laketiq. Te Ulqini, 13 gola i shënoi Ana Radoviq.
Fillimisht për vend të tretë u takuan Shqiponja dhe Istogu. Fitore shënoi Istogu me rezultat 40:22. Dajana Milaniq i shënoi 18 gola për Istogun. Larisa Ferizaj shënoi gjashtë herë për Shqiponjën e Gjakovës.
Ndeshjet gjysmëfinale janë luajtur të hënën, ku skuadrat tona pësuan humbje.
Këtë turne tradicional e organizon klubi Shqiponja.