Ish-talenti i Real Madridit, Nico Paz ka befasuar me pergjigjen e tij kur ka zgjedhur lojtarin më kualitativ që ka parë te Los Blancos.
Nico Paz ka shprehur admirimin e tij për Luka Modric, Toni Kroos dhe Rodrygo.
“Më ka pëlqyer gjithmonë Luka Modric, që kur kam qenë i vogël. Por më pëlqejnë edhe Kroos dhe Rodrygo. Rodrygo është lojtari me cilësinë më të madhe që kam parë ndonjëherë”, ka thënë fillimisht Paz.
Paz kujtoi këshillat e vlefshme që mori nga Modric dhe Kroos.
“Unë gjithmonë do t’i kujtoj këshillat që më dhanë. Kur Kroos u largua, ai erdhi dhe më tha të vazhdoja të luftoja, se duhej të gjeja vendin tim dhe se ai besonte në mua”, shtoi argjentinasi.
Ai theksoi se ky inkurajim është një kujtim i mirë që do ta mbajë me vete gjatë gjithë karrierës së tij. /Telegrafi/