Anëtari i “Backstreet Boys”, Nick Carter dhe gruaja e tij, Lauren zyrtarisht mirëpritën fëmijën e tyre të dytë.
“Nëna dhe vajza janë shumë mirë”, ka thënë një burim për US Weekly. Fëmija erdhi në jetë të mërkurën në mbrëmje.
Muzikanti e paralajmëroi këtë shtatzëni më herët, me anë të një postimi të publikuar në Instagram.”Faleminderit Zot për këtë dhuratë”, është përshkrimi që Carter ia ka vënë imazhit bashkë me Lauren dhe djalin e tyre, Odin.
Ndërkohë, Carters kanë qenë të hapur në lidhje me përpjekjet e tyre të fertilitetit që nga fillimi i përpjekjes për të mbetur shtatzënë me Odin.
Ndërsa konkurronte në ‘Dancing with the Stars’ në vitin 2015, Carter u tha shikuesve se çifti ishin në pritje të fëmijës së tyre të parë, por që ai kishte qenë një udhëtim tejet i vështirë.
“Ishte vërtet e vështirë për Nickin”, shtoi Lauren me lot në sy. “Vetëm duke e shikuar atë të jetë aq i emocionuar për diçka, dhe pastaj ta shohësh atë të lënduar. Kjo ishte e vështirë”. /Telegrafi/