Ideja e BMW është të përdorë ngjyrën si “lëkurë të ndjeshme ndaj gërvishtjeve”.
Prodhuesi bavarez i veturave dëshiron të patentojë një sistem të përbërë nga një film mbrojtës që aplikohet në automjet dhe mundëson zbulimin e një gërvishtje pa inspektim vizual dhe për të paralajmëruar pronarin për këtë.
Ideja e BMW është të përdorë ngjyrën si “lëkurë e ndjeshme ndaj gërvishtjeve”. Filmi i aplikuar në ngjyrën e zakonshme do të ishte një përcjellës i elektricitetit, që do të thotë se kur vetura gërvishtej, do të zbulonte një ndryshim në qarkun elektrik. Kjo, nga ana tjetër, do të njoftonte shoferin se automjeti ishte gërvishtur.
Mënyra se si sistemi paralajmëron shoferin ndryshon sipas kushteve.
Nëse ndodh një gërvishtje gjatë vozitjes, vetura do të paralajmërojë shoferin me sinjale zanore dhe vizuale.
Nëse kjo ndodh ndërkohë që pronari i makinës është jashtë automjetit, sinjalizimi mund të dërgohet me valë, me sa duket në telefonin e tij të mençur. /Telegrafi/