Sikurse “Keeping Up with the Kardashians”, edhe familja e Miley Cyrus do të nisë me shoun e vet televiziv, të quajtur “Cyrus vs. Cyrus: Design and Conquer”.
Yjet kryesore të këtij seriali real televiziv do të jenë nëna e saj, Tish dhe motra Brandi Cyrus.
Gjatë episodeve të këtij seriali, motra dhe nëna e Moleyt do të merren me dizajnime të dhomave dhe kuzhinave duke i shndërruar ato në vende të personalizuara.
Në videon paralajmëruese shfaqet edhe vet Miley në disa raste, që nënkupton se edhe ajo do të jetë pjesë e ngjarjes.
Tish dhe Brandi madje do të konkurrojnë me njëra-tjetrën se kush do ta bëjë dizajnin më të pëlqyeshëm.
Seriali është argëtues, komik dhe sjell raportet mes nënë dhe vajzës, ndërsa do të transmetohet në Bravo TV. /Telegrafi/
