Kjo javë e nxehtë e verës ishte e mbushur me shumë ngjarje të rëndësishme, sidomos në institucionin legjislativ të Kosovës.
Kuvendi i Kosovës këtë javë ka hapur dyert për të gjithë mërgimtarët që kanë pasur dëshirë ta shohin nga afër këtë institucion.
Por, po gjatë javës pavarësisht që Kuvendi u hap për mërgimtarë, administrata e Kuvendit vendosi një shirit ku ua kufizonte hapësirën medieve për të kryer punën e tyre.
E Kuvendi i Kosovës para mbylljes së sesionit pranveror vendosi një shirit kufizues tek hapësira për mediet duke ia pamundësuar gazetarëve, kameramanëve e fotoreporterëve të kryejnë punën e tyre. Kjo bëri që mediet ta bojkotojnë seancën e së enjtes.
Mirëpo, të premten deputetet e Partisë Demokratike të Kosovës (PDK), Ganimete Musliu dhe Ariana Musliu-Shoshi i hoqën shiritat kufizuese për mediet.
