Prezervativët për të rinjtë francezë deri në moshën 25 vjeç, tashmë janë falas në të gjitha barnatoret në të gjithë vendin, raporton dpa, duke theksuar se qeveria e presidentit Emmanuel Macron e konsideron atë një masë parandaluese për të parandaluar shtatzënitë e padëshiruara dhe sëmundjet seksualisht të transmetueshme.
Macron e prezantoi planin në fillim të dhjetorit dhe fillimisht ishte menduar për të rinjtë e moshës 18 deri në 25 vjeç, por pas kritikave u shtri edhe tek të miturit, transmeton Telegrafi.
Masa për kontracepsionin falas, përfshirë pilula dhe spirale, për grat deri në 25 vjeç, ka hyrë në fuqi prej një viti, ndërsa më parë të drejtën e pilulave kontraceptive falas e gëzonin vajzat deri në 18 vjeç.
Me nismën e prezervativëve, Macron synon të zgjidhë problemin e shëndetit seksual tek të rinjtë.
Lidhur me edukimin seksual, Macron tha se Franca nuk ishte shprehur dhe se “realiteti është shumë, shumë larg teorisë”.
“Ne duhet të edukojmë më mirë mësuesit në atë fushë, duhet t’i sensibilizojmë ata përsëri” shtoi presidenti francez. /Telegrafi/