Kamerat e sigurisë në Australi kanë regjistruar një aksident të pazakontë trafiku ku nga përplasja e fuqishme e veturës me murin mbrojtës, një grua fluturon nga vetura dhe përfundon në mes të autostradës derisa vetura vazhdon të lëvizë me shpejtësi edhe disa metra.
Aksidenti i tmerrshëm ka ndodhur në afërsi të Grieve Parade në jugperëndim të Melbourne, në tetor të vitit të kaluar, transmeton Telegrafi.
Pak sekonda para përplasjes, vetura shihet duke bërë lëvizje të pakontrolluara nëpër korsi, para se të përplasej në murin mbrojtës.
Ishin edhe vetura tjera që lëviznin pas që kishin kamera të vendosura në xhamin e përparmë, që kapën këtë moment.
Gruaja që fluturon nga vetura, shihet duke u rrokullisur nëpër rrugë, por që mrekullisht i shpëtoi më të keqes me vetëm disa lëndime të vogla trupore. /Telegrafi/
