Një video amatore shfaq një grup të rinjsh nga Britania, të cilët fillojnë rrahjen masive në një qytet turistik në rajonin Algarve në Portugali.
Gjithçka ndodhi në kafiterinë Aloha që gjendet në rrugën kryesore në Praia da Rocha, dhe është “bombarduar” nga karriget e plastikës dhe gjësendet e ndryshme, që fluturonin mbi kokat e të rinjve, transmeton Telegrafi.
Siç raportojnë mediat lokale gjithçka filloi kur grupi i britanikëve u përplasen verbalisht me një klan lokal, dhe për ta qetësuar situatën është dashur të intervenojnë sigurimi dhe shumë banorë të asaj lagje.
Ata nuk kursyen asgjë – nga karriget e deri te shishet e madje edhe dritaret e lokalit. E sipas raportit të policisë portugeze, ata kanë arritur të identifikojnë shtatë të rinj që ishin përfshirë në rrahjen masive.
Praia da Rocha dikur ishte një zonë e qetë dhe e preferuar për peshkatarët në jug të brigjeve portugeze, por së fundmi është bërë “strehë” e huliganëve dhe bandave lokale. /Telegrafi/
