Kampionati amerikan MLS është bërë mjaftë interesant në vitet e fundit.
Shumë futbollistë të mëdhenj kanë zgjedhur kampionatin amerikan për t’i kaluar vitet e tyre të fundit në karrierë.
Steven Gerrard, Frank Lampard, Didier Drogba, Andrea Pirlo e David Beckham janë disa nga yjet që kanë luajtur në MLS.
Ndërkohë aktualisht në këtë kampionat ka emra të mëdhenj si Zlatan Ibrahimovic, David Villa, Bastian Schweinsteiger, Wayne Rooney apo Sebastian Giovinco.
Pikërisht ylli italian është lojtari më i paguar në kampionat, pasi tek Toronto ka pagë vjetore prej 6,2 milionë euro në stinor.
Në mesin e 10 pasanikëve të kampionatit janë edhe Michael Bradley, Carlos Vela, Bastian Schweinsteiger, Giovani dos Santos, David Villa, Jozy Altidore, Ignacio Piatti, Wayne Rooney e Tim Howard.
Ndërkohë Ibrahimovic nuk është fare në mesin e 10 më të paguarve pasi merr pagë vjetore prej 1,5 milionë dollarë tek LA Galaxy, por që të gjitha të ardhurat nga marketingu i merr për vete pa pasur detyrim ndaj klubit.
Ylli shqiptar, Shkëlzen Gashi merr një pagë vjetore prej 1,6 milionë dollarë, ndërsa Jahmir Hyka paguhet mbi gjysmë milioni euro në vit. /Telegrafi/.
10 lojtarët më të paguar në MLS:
1. Sebastian Giovinco (Toronto FC): €6.2m
2. Michael Bradley (Toronto FC): €5.7m
3. Carlos Vela (LAFC): €5.5m
4. Bastian Schweinsteiger (Chicago Fire): €5.4m
5. Giovani dos Santos (LA Galaxy): €5.3m
6. David Villa (NYCFC): €4.9m
7. Jozy Altidore (Toronto FC): €4.4m
8. Ignacio Piatti (Montreal Impact): €4.1m
9. Wayne Rooney (D.C. United): €2.5m
10. Tim Howard (Colorado Rapids): €2.2m