Momenti i shumëpritur ka ardhur dhe Kosova nesër në mbrëmje do të nis kampanjën kualifikuese për Euro 2024.
Përfaqësuesja e Kosovës ndodhet në Grupin I për kualifikimet e Euro 2024, së bashku me Zvicrën, Izraelin, Bjellorusinë, Rumaninë dhe Andorrën.
Tifozët e Kosovës, Dardanët për këtë kampanjë kualifikuese kanë zbuluar edhe slloganin e tyre “Nga dhimbja në lavdi, historia ime dardane”.
Dardanët kanë vendosur t’i bëjnë dhurata secilit futbollist të Kosovës të grumbulluar për këto dy sfida dhe FFK ka publikuar një video fantastike.
Futbollistët marrin dhurata në dhomat e hotelit ku po qëndrojnë derisa aty kthejnë kohën duke kujtuar me emocione të kaluarën, por edhe duke u motivuar për të ardhmen.
“Nga Fadil Vokrri deri në Allianz Arena, le të jehojë besa-besë e le të valvitën flamujt bashkë, sepse jemi Kosova, jemi Dardanët dhe kjo është historia jonë”. /Telegrafi/
