Christian Eriksen ka zbuluar se vdiq për pesë minuta, pas arrestit kardiak të pësuar në Euro 2020.
Eriksen pësoi arrest kardiak në përballjen e Danimarkës ndaj Finlandës në qershorin e kaluar.
Por, ish-ylli i Tottenhamit ia doli të rikthehet në jetë falë punës së jashtëzakonshme të doktorëve dhe bashkëkombësit Simon Kajer.
Për këtë incident të ndodhur, Eriksen për “DR1” ka zbuluar se zemra i ndaloi së punuari për pesë minuta.
“Ishte e jashtëzakonshme që aq shumë njerëz ndjenë se duhet të shkruajnë apo dërgojnë lule. Kishte ndikim te aq shumë njerëz dhe ata e ndjen se duhej të më tregonin këtë mua apo familjes sime. Kjo më bëri shumë të lumtur”, ka deklaruar fillimisht ai.
“Në spital, vazhdoja të pranoja më shumë lule. Ishte e çuditshme pasi nuk prisja që njerëzit të dërgonin lule, pasi kisha vdekur për 5 minuta”.
Eriksen ka thënë se synimi i tij është të luajë në Botërorin në Katar.
“Synimi është të luajë në Kupën e Botës në Katar. Dua të luajë. Ky ishte synimi im gjatë gjithë kohës”, shtoi më tej Eriksen.
Kjo ngjarje është futur në momentin më të keq sportiv për vitin që lamë pas, pasi danezi ishte në prag të vdekjes. /Telegrafi/