Brazili, Franca dhe Argjentina janë ndoshta tre favoritët kryesorë për të triumfuare në Kampionatin Botëror ‘Katar 2022’.
Të tre këto Kombëtare lojtarët më të mirë të tyre luajnë te kampioni në fuqi i Francës, Paris Saint Germain.
Neymar është ylli kryesor i Brazilit, Messsi i Argjentinës dhe Kylian Mbappe i Francës.
Braziliani Neymar ka zbuluar bisedën që ka pasur me dy partnerët e repartit ofensivë te PSG për Kupën e Botës.
Anësori brazilian ka thënë se është ëndrra e tij e madhe ta fitoj Kupën e Botës dhe për këtë i ka paralajmëruar dy shokët e skuadrës.
“Kupa e Botës është ëndrra ime më e madhe. Tani kam një mundësi tjetër dhe shpresoj ta realizoj. Kemi bërë shaka me Messin dhe Mbappe në lidhje me mundësinë e përballjes me njëri-tjetrin në finale”.
“Unë u thashë atyre se do të bëhem kampion bote, kemi qeshur shumë me njëri-tjetrin. Të luash me Messin dhe Mbappe është një kënaqësi e madhe. Ata janë lojtarë të mëdhenj, por Botërorin dua ta fitoj unë”, deklaroi Neymar.
Tutje ish-ylli i Barcelonës dhe Santos ka thënë se ai ka radhës që ta fitoj Botërorin, pasi Mbappe e ka fituar dhe Messi ka humbur një finale.
“Mbappe e ka fituar, ndërkohë që Messi, i cili konsiderohet prej vitesh si më i miri në planet, e ka humbur një finale. Tani është radha ime për të fituar Kupën e Botës”, deklaroi Neymar. /Telegrafi/